Kondisioner Qiymetleri
Kondisionerlər
İsti yay günlərində konfortumuza ən çox töhfə verən məişət əşyası sözsüz ki kondisionerlərdir. İstər evimizdə olsun, istərsə də ofis və iş yerlərimizdə, ictimai məkanlarda və hətta nəqliyyatda sərinləmək üçün kondisionerlərin yeri əvəzsizdir. Kondisionerlərdən hal-hazırda yalnızca sərinləmək üçün deyil, alternativ vasitələr olmadıqda istilik məqsədilə də istifadə olunur. Bəzi məkanların qızdırılması isə bəzən sadəcə kondisionerlər vasitəsilə həyata keçirilir. Müasir kondisioner modellərinin böyük əksəriyyəti soyutma və isitmə özəlliklərinə sahibdir. Kondisionerlərin funksiyaları sadəcə soyutma və isitmə ilə bitmir, onlar havanı təmizləyir və rütubəti tənzimləyir, hava dövranını təmin edirlər. Məişətdə işlətmək üçün fərqli kondisioner tipləri istehsal olunur: divar split sistemli, kanal tipli, şkaf və ya kolon tipli, kaset tipli, döşəmədə yerləşdirə biləcəyiniz, pəncərədə quraşdırılan və daşınan mobil kondisionerlər. Evlərimizdə əsasən divar split tipli kondisionerlərdən istifadə edilir.
Kondisionerin İstifadəsi
Kondisionerlərdən səmərəli şəkildə istifadə etmək istəyirsinizsə diqqət etməyiniz lazımlı bəzi detallar vardır. Mümkün qədər kondisioneri az günəş düşən yerə yerləşdirməyə çalışın. Filtrlərinin də zaman zaman təmizlənməsi kondisionerin işinə müsbət təsir edir. Bir də unutmayın ki daha aşağı temperaturda işlətməyiniz daha tez effektiv bir nəticə almanıza səbəb olmaz. Maksimum səmərə əldə etmək üçün 24-26 dərəcə aralığı kondisionerin işi üçün idealdır.
Kondisioner Seçimi
Bəs kondisioner seçərkən nələrə diqqət etməliyik? Saytımız sadəcə kondisioner qiymetleri haqqında deyil onların xüsusiyyətləri haqqında da hər məhsul daxilində məlumat yerləşdirir. İlk növbədə hansı tip kondisionerə ehtiyacınız olduğuna qərar verməlisiniz. Bundan sonra ən başda gələn şərt otaq və ya məkanın ölçüləridir. Hər bir kondisionerin BTU dəyəri vardır ki alacağınız kondisionerin bu dəyəri lazım olan tələblərə cavab verməlidir. Kondisioner tutumu olaraq da bilinən bu dəyəri hesablayarkən yaşadığınız yerin iqlim şəraiti və istifadə olunacaq yerin sahəsi nəzərə alınmalıdır. Hətta kondisionerin işlədiyi yerdə olacaq insan sayı da burada rol oynaya bilir. Ən sadə şəkildə belə bir hesablama işinizə yaraya bilər. Məsələn, 24 kvadrat metr sahə üçün seçim edəcəksinizsə 24 / 2.2 x 1000 = 10909 şəklində bir hesablama edin. Yəni sizə lazım olan kondisioner ən az 12ooo BTU dəyərinə sahib olmalıdır. Daha sonra kondisionerin enerji sinfi, səs səviyyəsi, gigiyena xüsusiyyətləri, filtrinin təmizlənən olması kimi özəllikləri qiymətləndirə bilirsiniz. Samsung-un kondisioneri necə seçmək olar mövzulu məqaləsindən də faydalana bilərsiniz.
Ən Ucuz Kondisioner Qiymətləri
Qiymət demişkən, kondisioner almaq üçün bəlli ki müəyyən bir büdcə ayırmısınızsa, bu büdcəyə uyğun da ürəyinizcə bir modelə sahib olmaq istəyəcəksiniz. Qiymeti.net saytı bu işdə sizin ən yaxın köməkçiniz olacaq. Burada fərqli modelləri xüsusiyyətlərinə görə müqayisə edərək öncə özünüzə bir model seçin. Saytımızda kondisioner modellərinin sizin bir fikir sahibi olmanıza yetəcək qədər xüsusiyyətləri ilə tanış ola bilərsiniz. Bu sizi məlumat üçün əlavə axtarış əziyyətindən də qurtarmış olacaq. Daha sonra seçdiyiniz məhsulu mağazalarımızdakı ən ucuz qiyməti ilə əldə edə bilərsiniz. Bunun üçün saytımızdan mağazaya birbaşa keçid edərək alış verişinizi online olaraq həyata keçirə bilərsiniz. Fərqli markalar və kondisioner tipləri arasındakı qiymətləri müqayisə edib bahalı və ucuz olanlar haqqında məlumat əldə edə bilərsiniz.