Oyun konsolu Qiymetleri
Oyun Konsolları
Oyun konsolları bir monitora qoşularaq ekranında oyun oynamaq imkanı verən əyləncə vasitələridir. Komputer əsaslı bu cihazların gənc və yaşlı hər kəsə xitab edə bilən özəlliyi vardır. Təməlini arcade tərzi oyunlar təşkil edən ilk versiyalar televizorların evlərə girməsi ilə daha geniş yayılmağa və inkişaf etməyə başladı. İlk istehsal olunan oyun konsolu yalnızca bir oyun oynana bilinən Brown Box idi. Amma gözlənilən marağa sahib olmadı və inkişaf etdirilərək 1972-ci ildə 27 oyunlu Magnawox Odyssey istehsal olundu. Bu oyun konsolu evlərə daxil olan ilk nümunə oldu və evlərdə onların sayı artdıqca ticarət mərkəzlərində və kafelərdə böyük oyun konsollarına olan maraq getdikcə azalmağa başladı. Daha sonralar Computer Space oyununu hazırlayan Atari firması Pong oyun konsolunu istehsal etdi və ona səs effektləri əlavə elədi. Səs effektləri artan marağa səbəb oldu və bunu dəyərləndirərək Nintendo Color TV Game oyun konsolu ilə bazara çıxan Nintendo markası milyonlarla nüsxə satmağı bacarmışdı. Beləliklə bir vəya iki nəfərin oynaya biləcəyi sadə quruluşlu iki qollu bu cihazlar kütlələrin vaz keçilməzi halına gəldi. Texnologiyaların inkişaf etməsi oyun konsollarından da yan keçmədi və Playstation 1-in çıxması ilə oyun dünyası kökündən dəyişmiş oldu. Sony şirkəti uğurunu hazırda PS5 versiyası ilə davam etdirməkdədir. Microsoft tərəfindən hazırlanan Xbox seriyası da oyun həvəskarları tərəfindən yüksək qiymətləndirilir. Dövrün ən son texnologiya nailiyyətlərini oyun konsollarına tətbiq edən müxtəlif şirkətlər fərqli modellərlə aralarında yarışadadırlar.
Oyun Konsollarının Seçimi
Oyun konsolları portativ, stasionar və hibrid olaraq 3 yerə ayrılırlar. Yüksək performans və keyfiyyətli qrafiklərə sahib stasionar konsollar evdə oynamaq üçün ideal variantdır. Bir yerdən başqa yerə daşınmaları asan olan portativ modellər evin içindəki yerdəyişmələr və səyahət zamanı daha praktiki və faydalıdırlar. Növündən asılı olmayaraq bu cihazların televizor və ya monitora qoşulması çox sadədir və bu proses tamamlanan kimi oynamağa hazır vəziyyətə gəlir. Hazırda oyun konsolları ilə oynaya biləcəyiniz müxtəlif tərzli oyun növləri vardır. Bu oyunlar arasında yəqin ki ən populyar olanı futboldur. Ancaq yarış, döyüş, aksiyon, macəra, strategiya, arcade oyunlarının da həvaskarları az deyil. Bir oyunçunun bir neçə sevimli oyun tərzi də ola bilər. Joystick və ya düymələrlə oynanan oyunlar yaşlı gənc demədən hər yaşdan insanın oynaya biləcəyi özəllikdədir və oyunçuların yaş xüsusiyyətləri nəzərə alaraq hazırlanır. Müasir konsollar “plug-and-play” prinsipi ilə işlədiklərindən mürəkkəb texnologiyalara malik olsalar da istifadəçilər tərəfindən tez və asan mənimsənilir. Oyunların xarakterindən asılı olaraq joystik və düymələrdən istifadə qaydaları da fərqli olur. İnternetin verdiyi imkanlar sayəsində dünyanın hər yerindən tanıdığınız və ya tanımadığınız insanlarla oynaya biləcəyiniz kimi oyun zamanı onlarla söhbət etməniz də mümkündür.
Oyun sevərlər oyun konsollarının nüvə sayı və əməliyyat sistemləri kimi xüsusiyyətlərinə çox önəm verirlər. Oynarkən donma və sairə problemlərin olmaması üçün bunlar önəmli xüsusiyyətlərdir. Bu alətlərin qrafik işləmə gücü və həlletmə səviyyələri görüntünün ekrana qüsursuz yansıması üçün vacib parametrlərdir. Rəqabət halındakı firmalar ən son texnologiyadan istifadə etməklə səs, görüntü və sürət parametlərini yüksək keyfiyyət səviyyəsində tutmaqla alıcı məmnuniyyəti qazanmağa çalışırlar. Dizayn olaraq da fərqli markalar müxtəlif fomalarla qaşımıza çıxırlar. Sony və Microsoft bu sahədə rəqabətin önündə gedirlər. Əvvəlki seriyalardan fərqli olaraq Sony hal hazırda daha az böyük uclu əyriləri olan şaquli dizaynlı modellərə üstünlük verir. Microsoft isə son modelləri üçün oyun kompüterlərinə bənzər qüllə tipli dizaynı seçib. Müasir texnologiyaların verdiyi fürsətlərdən yararlanan oyun konsolları sadəcə oyun yönümlü cihazlar olmaqla qalmayıb film, misiqi kimi digər əyləncə formalarını dəstəkləməklə və media məzmunlarına giriş imkanlarıyla evlərdə əyləncənin əvəz olunmaz mərkəzinə çevrilib. Konsollar smartfon və planşetlərlə əlaqə qura bilən cihazlardır, onlardan bəziləri fərdi kompüterlərlə də uyumludur və bu platformlar arasında bir sıra oyunları paylaşmaq mümkündür. Seçiminizə təsir edən başlıca amillərdən biri də büdcənizdir. Oyun konsollarının qiymətləri xarakterik xüsusiyyətlərinin keyfiyyəti və dizaynına görə dəyişir.
Bəyəndiyiniz oyun konsolu üçün ən ucuz qiyməti saytımızda tapa bilərsiniz. Saytımızdan birbaşa mağazaların online satın alma səhifəsinə keçid edib sifariş də verə bilərsiniz.