Xidmət Şərtləri

1. Ümumi müddəalar

Bu İstifadə Şərtləri (bundan sonra “Şərtlər”) qiymeti.net internet saytının (bundan sonra “Sayt”) istifadəsi qaydalarını, tərəflərin hüquq və vəzifələrini müəyyən edir. Saytdan istifadə etməklə İstifadəçi bu Şərtləri tam və qeyd-şərtsiz qəbul etdiyini təsdiq edir. Şərtlərlə razı olmadığınız təqdirdə Saytdan istifadə etməkdən imtina etməlisiniz.

Bu Şərtlərə Azərbaycan Respublikasının qanunvericiliyi tətbiq olunur.

2. Anlayışlar

  • Sayt — qiymeti.net domen adı və ona bağlı bütün alt domenlərdən ibarət internet resursu.
  • İstifadəçi — Sayta daxil olan, onun məlumatlarından istifadə edən istənilən fiziki və ya hüquqi şəxs.
  • Satıcı (Mağaza) — öz internet saytında məhsul satışı ilə məşğul olan və məhsullarına dair məlumatların Saytda göstərilməsinə imkan verən üçüncü tərəf olan fiziki və ya hüquqi şəxs.
  • Xidmət — məhsulların qiymətlərinin, xüsusiyyətlərinin və digər məlumatlarının müxtəlif mağazalar üzrə müqayisəsini təmin edən Sayt funksionallığı.

3. Xidmətin mahiyyəti

Sayt müxtəlif mağazalarda satışa çıxarılan məhsulların qiymətlərinin və texniki xüsusiyyətlərinin müqayisəsini təmin edən pulsuz məlumat və qiymət müqayisəsi platformasıdır.

Sayt heç bir məhsulun satıcısı, istehsalçısı və ya təchizatçısı deyil. Saytda birbaşa məhsul satışı həyata keçirilmir. Sayt istehlakçı ilə mağaza arasında bağlanan alqı-satqı münasibətlərinin tərəfi deyildir və bu münasibətlərə görə heç bir məsuliyyət daşımır.

Saytda göstərilən qiymət, model, rəng, anbar mövcudluğu və digər məhsul məlumatları müvafiq mağazalar tərəfindən açıq şəkildə dərc edilmiş məlumatlar əsasında toplanır və avtomatik qaydada Saytda əks etdirilir.

4. Məsuliyyətin məhdudlaşdırılması

4.1. Saytda göstərilən məlumatların (qiymət, xüsusiyyət, mövcudluq və s.) düzgünlüyü, tamlığı və aktuallığı bu məlumatları dərc edən mağazaların məsuliyyətindədir. Məlumatlar avtomatik toplandığı üçün Saytdakı qiymətlər mağazanın öz saytındakı cari qiymətdən fərqlənə bilər.

4.2. Alış-verişdən əvvəl məhsula dair etibarlı və cari məlumatı (qiymət, komplektasiya, zəmanət və s.) mütləq birbaşa müvafiq mağazanın rəsmi saytından yoxlamaq İstifadəçinin öhdəsindədir.

4.3. Sayt, məlumatlardakı yanlışlıqlar, natamamlıqlar və ya bu məlumatlara əsaslanaraq görülmüş hər hansı əməl nəticəsində İstifadəçinin və ya üçüncü şəxslərin çəkə biləcəyi hər növ maddi və mənəvi zərərə görə məsuliyyət daşımır.

4.4. Sayt, keçid verdiyi mağazaların mövcudluğuna, fəaliyyətinin qanuniliyinə, verdiyi xidmətlərin keyfiyyətinə və məhsulların qüsursuzluğuna zəmanət vermir.

4.5. Azərbaycan Respublikasının “Elektron ticarət haqqında” Qanununa uyğun olaraq Sayt informasiya vasitəçisi (yer sağlayıcı) qismində çıxış edir və mağazalar tərəfindən təqdim edilən məzmunu qabaqcadan yoxlamaq öhdəliyi daşımır.

5. İstifadəçinin hüquq və vəzifələri

5.1. İstifadəçi Saytdan yalnız qanuni məqsədlərlə və qüvvədə olan qanunvericiliyə uyğun istifadə edəcəyini öhdəsinə götürür.

5.2. İstifadəçi Saytdan istifadə zamanı həyata keçirdiyi hər cür əməlin hüquqi və cəzai məsuliyyətini şəxsən daşıyır.

5.3. İstifadəçi Saytda yerləşdirdiyi rəy, şərh və digər məzmunun qanunvericiliyə, əxlaq normalarına və üçüncü şəxslərin hüquqlarına zidd olmamasına cavabdehdir. Sayt bu tələblərə cavab verməyən məzmunu xəbərdarlıq etmədən silmək hüququnu özündə saxlayır.

5.4. İstifadəçi Sayta məxsus mətnləri, şəkilləri, məlumat bazalarını, kataloqları, siyahıları və digər elementləri Saytın yazılı icazəsi olmadan çoxaltmayacağını, kopyalamayacağını, yaymayacağını və istənilən üsulla Saytla rəqabətə girməyəcəyini öhdəsinə götürür.

6. Fikri mülkiyyət hüquqları

Saytın dizaynı, mətnləri, proqram kodu, məlumat bazası, loqotipi, ticarət nişanı və digər bütün elementləri üzərində hüquqlar Azərbaycan Respublikasının “Müəlliflik hüququ və əlaqəli hüquqlar haqqında” Qanunu və digər normativ aktlarla qorunur və qiymeti.net-ə aiddir.

Saytda yer alan brend, marka və məhsul adlarına dair hüquqlar müvafiq şirkətlərə məxsusdur. Hər hansı fikri mülkiyyət hüququnun pozulduğunu düşündüyünüz halda info@qiymeti.net ünvanına müraciət edə bilərsiniz; müraciət araşdırılaraq lazımi tədbir görüləcəkdir.

7. Fərdi məlumatlar

İstifadəçilərə aid fərdi məlumatlar Azərbaycan Respublikasının “Fərdi məlumatlar haqqında” Qanununa və Saytın Məxfilik Siyasətinə uyğun toplanır və emal edilir. Məxfilik Siyasəti bu Şərtlərin ayrılmaz tərkib hissəsidir.

8. Şərtlərdə dəyişikliklər

Sayt bu Şərtləri istənilən vaxt birtərəfli qaydada dəyişmək hüququnu özündə saxlayır. Dəyişikliklər Saytda dərc edildiyi andan qüvvəyə minir. Saytdan istifadənin davam etdirilməsi yenilənmiş Şərtlərin qəbul edilməsi kimi qiymətləndirilir.

9. Fors-major

Təbii fəlakət, müharibə, tətil, rabitə və internet nasazlıqları, elektrik kəsintiləri və tərəflərin ağlabatan nəzarətindən kənar digər hallar baş verdikdə Sayt öhdəliklərinin gecikdirilməsinə və ya yerinə yetirilməməsinə görə məsuliyyət daşımır.

10. Tətbiq olunan hüquq və mübahisələrin həlli

Bu Şərtlərin tətbiqinə və şərhinə Azərbaycan Respublikasının qanunvericiliyi tətbiq edilir. Şərtlərdən irəli gələ biləcək mübahisələr danışıqlar yolu ilə, razılıq əldə edilmədikdə isə Azərbaycan Respublikasının səlahiyyətli məhkəmələri tərəfindən həll edilir.

11. Əlaqə

Bu Şərtlərlə bağlı suallar üçün: info@qiymeti.net