Paltaryuyan Qiymetleri
Paltaryuyan Maşınlar
Paltaryuyan maşınlar əl əməyini böyük ölçüdə azaltmaları və insanlara rahatlıq bəxş etdikləri üçün her evdə olması artıq bir zərurətə çevrilən məişət əşyasıdır. Zamana qənaət etdirdiyi kimi gördüyü işin keyfiyyəti də özünü artıqlaması ilə doğruldur. Texniki olaraq gördüyü iş kimyəvi təmizləyici vasitələrdən istifadə etməklə paltarları yuyan, durulayan və qurulayan elektrik məişət cihazıdır. Uzun bir texnoloji inkişaf dövrü keçmiş paltaryuyan maşınların günümüzdə fərqli texnologiyalarla işləyən çox müxtəlif modelləri vardır. Texnologiya nəhənglərinin bu istiqamətdə işləri sayəsində hər keçən gün paltaryuyan maşınlara yeni-yeni funksiyalar əlavə olunur. Bazara yeni modellər daxil olduqca mövcud modellərin qiymetleri də dəyişir. Siz bu dəyişiklikləri saytımızdan izləyə bilərsiniz.
Paltaryuyan Maşınların Xüsusiyyətləri
Paltaryuyan maşın qiymetleri ilə yanaşı onların xüsusiyyətləri də vacibdir. Hər bir istehsalçının məhsulu proqram sayı və müxtəlifliyi ilə fərqlənir. Bütün bunlarda da əsas məqsəd ləkələrin çıxarılması və təmizlikdir. Paltaryuyan maşınların proqramları da istilik rejimini, dövriyyə sistemini və islatma funksiyalarını da bu istiqamətdə tənzimləyirlər. Proqramlar eyni zamanda yuyulacaq əşyanın materialına görə də fərqlilik göstərir. Paltaryuyan maşınların çoxunda buxarlı təmizləmə texnologiyası vardır ki kimyəvi vasitələrə ehtiyac olmadan aşağı temperaturda belə üstün təmizlik əldə olunur. Bu texnologiya sayəsində paltarlar nəinki köhnəlmir, əksinə daha da yenilənərək təmizlənir, paltardakı qoxular yox edilir, bakteriyalar məhv olur. Yenidən yükləmə funksiyası ilə hazırlanan maşınlara, işə saldıqdan sonra da unutduğunuz paltarı əlavə etmək mümkündür. Bəzi hallarda həddən artıq köpüklənmə ola bilər və bu vəziyyətin qarşısını almaq üçün də sistem mövcuddur. Bu sistem sayəsində maşın avtomatik olaraq durulama rejiminə keçir və köpük miqdarını tənzimləyir. Paltaryuyan maşınların əksəriyyətində indi uşaq kilidi funksiyası vardır ki bu da az yaşlı uşaqların maşınların işinə müdaxiləsini sıfıra endirir.
Paltaryuyan Maşın Seçimində Əsas Məqamlar
Paltaryuyan maşınlar birinci növbədə tələblərinizə cavab verməlidir. Burada diqqət ediləcək əsas məqam maşınların tutumudur. Ehtiyac yoxdursa yüksək tutumlu maşın seçərək əlavə vəsait xərcləməyə dəyməz. Yüksək tutum həm paltaryuyan maşınların ölçülərini artırır, həm də daha çox elektrik enerjisi sərfiyyatı və su israfı deməkdir. Çirkli paltarlar tez-tez yuyulacaqsa, ya da ailə üzvlərinin sayı azdırsa 6-7 kq tutumlu maşın almağınız kifayətdir. Böyük ailələr üçün 8-9 kq tutumlu maşınlar daha əlverişlidir. Yorğan və sairə kimi ağır əşyaları yumağı planlayırsınızsa o zaman 10-12 kq tutumlu maşınlara üstünlük verin. Paltaryuyan maşınların dövr sürəti də çox önəmlidir. Dövr sürəti artdıqca paltarların daha çox sıxılaraq qurumasına səbəb olsa da onların zərər görməsinə və qırışmasına gətirib çıxara bilər. Buna görə də 1000 - 1200 dövr aralığı optimal sayılır. Paltaryuyan seçimində A enerji sinfi və daha yüksək modellərə üstünlük verərsəniz elektrik enerjisinə böyük ölçüdə qənaət etmiş olarsınız. Proqram sayının müxtəlifliyi maşınların çox funksiyalı olması deməkdir ki bu da sizi məmnun edəcək əsas amillərdəndir. Yuma vaxtı, durulama, səssiz işləmə və sairə kimi özəlliklər paltaryuyan maşın seçimində ən çox diqqət edilən məqamlardandır. Sizə uyğun marka və modeli seçdikdən sonra məhsullar daxil olaraq məhsulun ən əlverişli qiymeti hansı mağazadadır öyrənə bilərsiniz.
Qiymeti.Net-də Paltaryuyan Maşın Seçimi
Paltaryuyan maşınların bu qədər fərqli xüsusiyyətlərə sahib olduğunu və çox sayda istehsalçının məhsulu olan zəngin model müxtəlifliyi içindən doğru bir seçim etməyinizə yardımçı olacaq bir yol göstərəniniz var. Qiymeti.Net saytında büdcənizə uyğun və ona qənaət etməklə istənilən model paltaryuyan modelini asanlıqla seçəcəksiniz. Burada ayrı-ayrı markaların məhsullarını qarşılaşdıraraq seçiminizə əminlik gətirə bilərsiniz. Elə buradaca seçdiyiniz modelin mağazalardakı qiymətlərini görərək ən ucuzunu haradan ala biləcəyinizi öyrənmiş olacaqsınız. Hətta vaxtınıza qənaət etmək üçün saytımızdan birbaşa mağazalara keçid edərək alış-veriş etmək mümkündür. Paltaryuyan maşın modellərinin sizi maraqlandıran xüsusiyyətləri ilə də saytımızda tanış ola biləcəyinizdən məhsul seçimində zaman itkisinə də məruz qalmayacaqsınız. Biz qiymətləri görün ən ucuzunu alın deyirik, seçim isə sizindir.