Yeni Apple iPhone 15 Pro Max artıq satışdadır!
Texnolgiya nəhəngi Apple 2023-cü ilin sentyabrında istifadəçilərə iPhone 15 seriyasının Pro Max modelini təqdim etdi. Hər seriyası ilə alıcıların təqdirini alan istehsalçı bu dəfə də onların gözləntilərini doğrultmağı bacardı. Dizayn və avadanlıq xüsusiyyətlərinə görə iPhone 14 seriyasına hər nə qədər bənzəsə də şirkət yenilikçi ənənəsinə sadiq qalaraq bu modelə də yeni özəlliklər əlavə edib. Belə ki səs düyməsini əvəz edən “Action Key” və USB Type-C port yenilikləri bu özəlliklərin başında gəlir. Telefonunuzdan istifadə zamanı USB Type-C birləşdiricisinə keçidin nə qədər səmərəli olduğunun şahidi olacaqsınız. USB Type-C birləşdiricisinin Lightning-i əvəz etməsi simsiz ötürmə sürətlərində böyük ölçüdə artıma səbəb olub. Telefonun qulaqlıq səs çıxışı da bu port vasitəsilə təmin edilir. Kamera, fənər, tərcümə kimi bir çox funksiya, tətbiq və xidməti “Action button” düyməsinə yönləndirməklə cihazın xüsusiyyətlərindən daha sürətli istifadə etmək mümkün olacaq.
iPhone 15 Pro Max Modelinin Texniki Xüsusiyyətləri
Prosessor səviyyəsinə görə bir öncəki modelini hər zaman geridə qoymağı bacaran Apple yeni modelində də bir sıra ciddi dəyişikliklər etmişdir. Cihaz qrafik prosessorunda 6x Apple GPU dəstəyi sahibdir və A17 Pro prosessoru sayəsində saniyədə 10 gigabit USB sürəti ilə yeni telefonunuzun bütün güc imkanlarından həzz alacaqsınız. 20 faiz daha yüksək performans vəd edən bu yenilik ilə daha yüksək keyfiyyətli qrafik təsvirdən zövq ala biləcəksiniz.
USB Type-C bağlantısının 20 Wt sürətli batareya doldurma dəstəyi ilə telefonunuzu daha tez şarj edə biləcəksiniz. Telefonun gün ərzində səmərəli istifadəni təmin edən batareyası 4422 mAh tutuma sahibdir və bir öncəki modeldən bir qədər daha artıqdır. Cihazın batareyadan istifadə müddəti kifayət qədər uzundur, belə ki bir şarj ilə 25 saat video izləyə və ya 95 saat musiqi dinləyə bilərsiniz.
8 GB RAM-a sahib cihazın 256 GB, 512 GB, 1 TB daxili yaddaşa malik versiyaları təqdim olunur. 64 bitlik texnologiyası, 6 nüvəsi və 3.78 GHz-ə qədər çıxan CPU tezliyinin üstünlüklərini həm tətbiqlərdən istifadə, həm də oyun zamanı hiss edəcəksiniz. iPhone 15 Pro Max prosessor dəstinin 2 performans və 4 səmərəlilik nüvəsi ilə Neural Engine texnologiyasında 16 nüvəli bir quruluş təqdim etmiş olur ki bu da üz və səs tanıma əməliyyatlarını əvvəlkindən daha sürətli və təhlükəsiz həyata keçirməyə imkan verir.
Dual SIM özəlliyinə malik cihaz E-SIM texnologiyasını da dəstəkləyir. Telefon simsiz əlaqə üçün 5.3 Bluetooth versiyası və Wi-Fi 6E ilə təmin olunub, NFC xüsusiyyətinə də sahibdir.
iPhone 15 Pro Max Ekran Özəllikləri
6.7” ekranı olan cihazın OLED texnologiyalı ekranının təsvir ölçüsü 1290 x 2796 FHD piksel olub piksel sıxlığı 460 PPI təşkil edir. 19.5: 9 nisbətinə malik ekranı və 120 Hz ekran yeniləmə sürəti var. Corning Ceramic Shield Glass texnologiyası ilə hazırlana ekran cızılmağa olduqca davamlıdır. 16 milyon rəngə malik ekran gövdənin 89,10%-i təşkil edir.
iPhone 15 Pro Max Kameraları
iPhone 15 Pro Max kameraları istifadəçilərə yüksək keyfiyyətli performans təklif edir. Periskop tele-foto kameradan ilk dəfə iPhone 15 seriyasında istifadə edən Apple modeli 120 mm diafraqmalı 5x optik böyütməni dəstəkləyir. Kameranın Spatial çəkiliş özəlliyi sayəsində 3D videolar çəkə biləcəksiniz. 15 Pro Max 2160p Ultra HD 4K video çəkə bilən kamerası 60 FPS-ə çatmaqla standart istifadədən kənar peşəkar tələblərə cavab verməkdədir. Sensor-shift OIS texnologiyası hərəkətli çəkilişlər zamanı kəskinlik və titrəmə problemlərini ortadan qaldıracaq. 48 MP olan arxa kamera 24 mm fokus məsafəsi və F1.78 apertura xüsusiyyətləri ilə təchiz edilib. Arxa kamera dəstinin digərləri isə F2.8 və F2.2 olmaqla hər biri 12 MP olan iki kameradan ibarətdir. Telefon cihazlarının ön kamera performansı istifadəçilərin ən çox diqqət yetirdiyi məsələlərdən biridir. Selfi çəkdirmək vərdişlərinin və sosial media paylaşımlarının geniş vüsət aldığı günümüzdə ön kamera özəlliklərinə də tələbat get gedə artmaqdadır. Elə buna görə də 15 Pro Max ön kamerası F1.9 apertura yüksək keyfiyyətli obyektivə və 12 MP təsvir ölçüsünə sahibdir.
iPhone 15 Pro Max Ümumi Görünüşü və Dizaynı
15 Pro Max çərçivəsiz bir görünüşə sahibdir. Apple iPhone modelləri görünüş olaraq bir-birindən köklü şəkildə fərqlənməsə də kiçik dəyişikliklərlə də olsa bir yenilik etmək artıq ənənə halını alıb. İllərdir iPhone-un imzası deyə biləcəyimiz səs düyməsi yoxdur və onun yerini “Action Key” düyməsi alıb. Pro max seriyalı cihazlar üçün dəyişməyən ekran ölçüsü standartına bu dəfə də əməl olunub. Yeni titan korpusa malik olması cihazın daha yüngül olmasından əlavə möhkəmliyini də bir qədər artırır ki bu da onun uzun ömürlü olmasına səbəb olacaqdır. Smartfon IPX8 suya davamlılıq və IP6X toza davamlılıq sertifikatlarına da malikdir. Cihazın ağırlığı 221 qram, uzunluğu 159,9 mm, eni 76,7 mm, qalınlığı isə 8,25 mm-dir.
Ancaq iPhone 15 Pro Max-in çox saydakı mövcud üstünlükləri ilə bərabər əksik olan tərəfləri də var. Görünüşüdə kifayət qədər yeniliklərin olmaması və 5000 səviyyəsindən aşağı qalan 4422 mAh batareya tutumu bu qəbildən hesab olunur. Bir çox alıcı hal hazırda olan üstünlüklərin çoxunun iPhone 14 Pro Max seriyasında onsuz da olduğunu deyir. Apple-ın məqsədi isə yeni modele çox yox ancaq sadəcə kifayət qədər yeniliklər əlavə edərək onu köhnə modeldən daha cəzbedici etməkdir.
Mübahisəsiz olaraq Apple iPhone marka telefonlarının ən yaxşı modellərindən biri olan 15 Pro Max-ın müsbət və mənfi cəhətlərini nəzərinizə çatdırdıq. Seçiminizi edərkən telefonun qiyməti də sizin üçün vacibdirsə, saytımızda yuxarıdakı siyahıdan en ucuz qiymeti, eləcə də fərqli mağazalardakı qiymetleri ilə tanış ola bilərsiniz.