Soyuducu Qiymetleri
Soyuducular
Evlərimizdə il boyu 7/24 işləyən yeganə məişət cihazı soyuduculardır. Soyuducuların əsas vəzifəsi qidaları xarab olmaqdan qorumaq və təravətli saxlamaqdır. Böyük və ya kiçikliyindən asılı olmayaraq bütün ərzaq mağazaları və ictimai iaşə obyektlərində də istifadəsi vacib məişət əşyasıdır. Onların mənzillərimizdəki yeri əsasən mətbəxdədir. Bu səbəblə də mətbəx dizaynında soyuducuların özünəməxsus yeri var və ümumi dekorasiya ilə uyum içində olmalarına xüsusi diqqət edilir. Soyuducular böyük əksəriyyəti ağ rəngdə olmaqla istehsal edilir. Ancaq bəzi istehsalçılar fərqli zövqləri də nəzərə alaraq alıcılara qara, qırmızı, gümüşü və sairə rənglərdə də məhsul təklif edirlər. Soyuducular əsasən iki hissədən ibarət olur: soyuducu və dondurucu bölmələr. Soyuducu bölmədə gündəlik yeyəcəklər saxlandığı halda dondurucu hissədə uzun müddət üçün nəzərdə tutulan ərzaqlar mühafizə edilir. Soyuducu qiymetleri də bu bölmələrin böyüklüyü və xüsusiyyətlərinə görə dəyişir.
Soyuducu Seçərkən Nələrə Diqqət Edilməlidir?
İlk növbədə soyuducunun mətbəxdəki yeri və mətbəxin ölçüləri nəzərə alınmalıdır. Soyuducunun ölçüləri ümümi ahəngə xələl gətirməməli, hərəkət imkanlarınızı məhdudlaşdırmamalıdır. Eyni zamanda ailə üzvlərinin sayı, qidalanma vərdişləri də soyuducunun böyüklüyündə həlledici faktorlardan biridir. Ümumi normativlərə görə adam başına 110-160 litr soyuducu həcmi nəzərdə tutulmalıdır. Maddi imkanları da hesaba qataraq bu faktorlar arasında ortaq bir nöqtədə qərarlaşmaq olar. Soyuducunun buz bağlamadan işləməsini istəyənlər No Frost modellərə üstünlük verə bilərlər. Üstün texnologiyası sayəsində bu soyuducular buz əritmə prosesini özləri avtomatik olaraq həyata keçirirlər. Bu texnologiyaya sahib modellər eyni zamanda aşağı enerji istehlakı və az səs çıxarmaları ilə də fərqlənirlər. Seçiminizdə daha sonra soyuducuların dizayn və rəng çalarlarına da diqqət ayıra bilərsiniz. Klassik tərzi sevənlər ağ rəngə üstünlük verə, mətbəxlərində fərqli bir üslub yaratmaq istəyənlər isə zövqlərinə görə gümüşü və ya qara kimi başqa rənglər arasından seçim edə bilərlər.
Soyuducu Seçimi və Qiymətləri
Mağazalarımızda satılan bütün soyuducu markaları ilə saytımızda tanış ola biləcəksiniz. Qiymeti.Net saytı nəinki soyuducu modelini seçməkdə, həmçinin bu seçiminiz üçün ən ucuz qiymətləri tapmağınızda yardımçı olacaq. Fərqli modelləri qarşılaşdıraraq seçim etdikdən sonra məhsulun mağazalar üzrə ən ucuz olanını asanlıqla təyin edə bilərsiniz. Saytımızda hər bir soyuducu haqqında kifayət qədər məlumat verildiyindən modelləri qarşılaşdırmaq heç də çətin olmayacaq. Evinizdən çıxmadan saytımız vasitəsilə mağazalara birbaşa keçid edərək online alış-veriş də etmək mümkündür. Beləcə həm zamanınıza, həm də büdcənizə qənaət edərək sərfəli şərtlərlə soyuducu sahibi ola biləcəksiniz.