Haqqımızda

qiymeti.net Azərbaycanın ilk qiymət müqayisə saytıdır və 2014-cü ildən bəri alıcılarla birlikdədir. Biz mağaza deyilik və heç nə satmırıq. Biz ölkədə fəaliyyət göstərən mağazaların qiymətlərini, məhsulların texniki xüsusiyyətlərini və şəkillərini bir yerə toplayır, hamısını yan-yana müqayisə etmək imkanı veririk. Saytdan istifadə pulsuzdur və qeydiyyat tələb olunmur.

Missiya və dəyərlər

Bir məhsulu almazdan əvvəl onun harada neçəyə satıldığını öyrənmək üçün adətən onlarla saytı bir-bir açmaq və ya mağazaları tək-tək gəzmək lazım gəlir. Bu, həm vaxt aparır, həm də çox vaxt yarımçıq qalır və nəticədə eyni məhsul bir neçə addım kənarda daha ucuz olamasına baxmayaraq baha qiymətə alınır. qiymeti.net məhz bunun üçün var: bir axtarışla bütün mağazaların qiymətini qarşınıza qoymaq və seçimi sizə buraxmaq.

Biz sizin yerinizə qərar vermirik. İşimiz qərar vermək üçün lazım olan hər şeyi: qiyməti, mağazanın adını, məhsulun texniki xüsusiyyətlərini açıq şəkildə göstərməkdir. Bu yanaşmanın arxasında bir neçə sadə dəyər dayanır:

  • Qiymətlər olduğu kimi. Mağazaların qiymətləri avtomatik yığılır və mütəmadi olaraq yenilənir.
  • Vaxtınıza hörmət. Bir məhsulun bütün mağazalardakı qiymətini görmək üçün bir səhifə kifayət etməlidir.
  • Aydınlıq. Məhsulların xüsusiyyətlərini eyni formada göstəririk ki, iki modeli yan-yana qoyanda fərqi dərhal görəsiniz.
  • Azərbaycan bazarı üçün. Burada gördüyünüz hər qiymət ölkə daxilindəki real mağazadan, manatla verilən qiymətdir.

Hədəfimiz odur ki, Azərbaycanda texnika və ya məişət məhsulu almaq istəyən hər kəsin açdığı ilk sayt qiymeti.net olsun. Bunun üçün biz çalışırıq ki, siz axtardığınızı həmişə burada tapa və vaxtınıza qənaət edə biləsiniz.

Rəqəmlərlə Qiymeti.net

  • 2014 – saytın işə başladığı il
  • 20 000+ aktiv məhsul
  • 400+ brend
  • 30+ mağaza müntəzəm müqayisə olunur
  • 20+ məhsul kateqoriyası

Əlaqə

Sualınız, təklifiniz və ya şikayətiniz var? Bizimlə əlaqə saxlaya bilərsiniz:

Bizi sosial şəbəkələrdə də izləyə bilərsiniz: Instagram, TikTok, Facebook.

Qeydiyyat məlumatları: VÖEN: 4300462432, ünvan: AZ1010, Bakı şəhəri, Üzeyir Hacıbəyov küçəsi, ev 4.