Tozsoran Qiymetleri
Tozsoranlar
Tozsoranlar evlərimizdə ən çox istifadə etdiyimiz məişət əşyalarındandır və təmizlik işlərində bir nömrəli köməkçilərimizdəndirlər desək heç də yalan olmaz. Bu səbəbdəndir ki tozsoranın olmadığı ev tapmaq demək olar ki mümkün deyildir. Onların bu qədər əlçatan olmasının səbəbi isə ucuzdan bahaya istənilən istək və zövqə uyğun geniş çeşiddə istehlakçılara təklif olunmasıdır. Tozsoranlara tətbiq olunan yeni texnologiyalar onları istifadəçilər üçün daha cəlbedici edir. Belə modellər evinizin daha asan və effektiv bir şəkildə tozdan təmizlənməsini təmin edirlər. Tozsoranlar dizayn, tətbiq üsulu və yerlərinə görə müxtəlif kateqoriyalara bölünür: portativ, vertikal, yuyucu, sənaye və sairə. Təmizləmə tipinə görə quru, buxarlı və nəm təmizləyici qruplarına bölünürlər. İstifadə növünə görə isə şəbəkədən və batareya ilə çalışanlar olaraq iki yerə ayrılırlar. Tozsoranların toz toplayıcıları əsasən torba, konteyner və akvafiltr şəklində olur. Toz toplayıcıların növləri tozsoranların forma və dizaynına da təsirini göstərir. Aksesuar olaraq komplektə daxil olan taxma ucluqlar ən müxtəlif səthlərin, künc bucaqların və hətta ev heyvanlarının belə təmizliyində tətbiq olunur.
Tozsoran Seçimində Nələrə Diqqət Etməli
Dünyaca məşhur brendlərin alıcılara təklif etdikləri modellər nə qədər rəngarəngdirsə onların qiymətləri də bir o qədər müxtəliflik göstərir. Onların qiymətlərinə gücü, sorma qabiliyyəti, səs səviyyəsi, komplekdəki ucluqların sayı, filtr, dəstəklənən texnologiyalar, akkumulyatorun tutumu və markası kimi amillər öz təsirini göstərir. Tozsoran seçərkən əvvəlcə nə kimi bir alətə ehtiyacınız olduğunu müəyyən etməlisiniz. Ondan haralarda və nə qədər çox istifadə edəcəyinizi, hansı əlavə xüsusiyyətlərə önəm verdiyinizi özünüz üçün yəqin etməlisiniz. Kiçik ölçülü mini tozsoran gündəlik təmizlik işlərində daha praktik təsir bağışlaya bilər. Evlərinizin əlçatmaz guşələrini tozdan təmizləyə bilmək üçün uzun tutacaqlı tozsoranlar daha uyğundur. Şəbəkəyə qoşulan tozsoranlar fasiləsiz istifadəni təmin edir, şarj olunan batareyalı modellər isə kabel diskomfortunu ortadan qaldıraraq sərbəst hərəkət imkanı verir.
Seçim edərkən bu alətlərdən istifadə vərdişlərini və yaşayış sahəsinin strukturunu da nəzərə almağınız lazımdır. Hər birinin özünə xas üstünlükləri olduğuna görədir ki bəzi evlərdə birdən çox fərqli tozsoran modellərinə rast gəlmək mümkündür. Bəzi tozsoranların nəm döşəmə təmizləmə başlığı da vardır ki onunla süpürmə və silmə eyni anda həyata keçirmək mümkündür. İkisi birində dizaynlı vertikal tozsoranlar sökülərək əl tozsoranı kimi də işlədilə bilinir ki bu da ev təmizliyinizi daha operativ hala gətirir. Bu məişət cihazları daha çox dizaynları ilə ön plana çıxsalar da texniki özəllikləri də seçim edərkən diqqət edilməsi lazım olan vacib şərtdir. Tozsoranlar güc və sorma qabiliyyətinə görə də fərqli diapozonda istehsal olunurlar. Güc və sorma qabiliyyəti özəlliklərinin yüksək olması da alıcılar tərəfindən yüksək dəyərləndirilir. Bu məişət əşyalarını əldə etmək istəyənləri bəlkə də ən çox nə qədər səssiz, daha doğrusu nə qədər səs küylü işləmələridir. Səs səviyəsi parametri tozsoranların kateqoriya, sorma qabiliyyəti və böyüklüklərinə görə dəyişiklik göstərir. Yeni nəsil tozsoranların modellərinin bir çoxu hətta gündəlik danışıqdan daha az səs-küy çıxarır. Konteyner tipli toz toplayıcılar şəffaf olur, onların dolub dolmamasına asanlıqla nəzarət etmək mümkündür. Belə toz toplayıcıların iş bitdikdən sonra boşaldılması və təmizlənməsi daha asan olsa da torba tipli toz toplayıcıların tutumu daha çox olur. Filtrlərin mütaəmadi olaraq təmizlənməsi cihazların performansını artırır və ömrünü uzadır. Modelindən asılı olaraq filtr təmizləməsini quru və ya yuma yolu ilə aparmaq olar.
Naqilsiz işləyən tozsoran alacaqsınızsa batareyanın tutumu, doldurulma vaxtı və tozsoranın bir doldurma ilə işləmə müddəti kimi parametrlərə diqqət etməlisiniz. Onların bir şarjla işləmə müddəti təmizlədiyiniz səth və tətbiq etdiyiniz iş rejiminə gərə dəyişəcək. LED işıqlı elektron başlığı olan modellər də seçim zamanı alıcıların marağına səbəb ola bilər. Naqilsiz tozsoran seçərkən diqqət etməli olduğunuz amillərlə bu sahədə qabaqclıq brendlərdən olan Bosch tərəfindən yayımlanan bu məqalədə tanış ola bilərsiniz.
Qiymeti.net-də Tozsoran Seçimi
Tozsoranların mağazalarda olan geniş çeşidini təklif edən saytımızda maraqlandığınız modellərin texniki özəlliklərini və qiymətlərini müqayisə edərək seçiminizdə son qərarınızı verə bilərsiniz. Modeli seçdikdən sonra məhsulun hansı mağazada daha ucuz olduğuna baxın. Bəyəndiyiniz modeli istəsəniz oturduğunuz yerdən "Satın al" düyməsi ilə sifariş də verə bilərsiniz.